• २०७९ जेष्ठ ११ गते बुधवार

पश्चिमी वायुको प्रभावले देशका विभिन्न भागमा बदली,केहि ठाउँमा वर्षाको सम्भावना

Author Logo..
अनलाइन राप्तीसोनारी २०२६ पुष १७ गते बिहिवार

पश्चिमी वायुसँगै आएको पश्चिमी न्यून चापीय प्रणाली र अरब सागरमा बनेको न्यून चापीय क्षेत्र र आसपासमा रहेको न्यून चापीय प्रणालीको प्रभाव देशका विभिन्न प्रदेशमा परेको छ । मौसम पूर्वानुमान महाशाखाका अनुसार सुदूर पश्चिम, कर्णाली, लुम्बिनी तथा गण्डकी प्रदेशमा सामान्य देखि पूर्ण बदली रही बाँकी भू–भागमा आंशिकदेखि सामान्य बदली रहेको छ । बिहीबार देशभर सामान्य देखि पूर्णतया बदली रहनेछ । सुदूर पश्चिम, कर्णाली, गण्डकी, लुम्बिनी र बागमती प्रदेशका पहाडी भू–भागको थोरै स्थानहरूमा हल्कादेखि मध्यम वर्षाको र सो प्रदेशका उच्च पहाडी र हिमाली भू–भागका धेरै स्थानहरूमा मध्यमदेखि भारी हिमपात सम्भावना रहेको छ । शुक्रबार देशभर सामान्य देखि पूर्णतया बदली रहनेछ । कर्णाली, गण्डकी, लुम्बिनी र बागमती प्रदेशको पहाडी भू–भागको केही स्थानहरूमा हल्का देखि मध्यम वर्षाको र देशको उच्च पहाडी र हिमाली भू–भागको केही स्थानहरूमा मध्यमदेखि भारी हिमपातको सम्भावना रहेको छ । शनिवार भने प्रदेश १ मा सामान्यदेखि पूर्णतया बदली रही देशका बाँकी भू–भागमा आंशिकदेखि सामान्य बदली रहनेछ । प्रदेश १ का पहाडी भू–भागका एक–दुई स्थानहरूमा हल्का वर्षाको सम्भावना रहेको छ ।

प्रतिक्रिया दिनुहोस
संबन्धित समाचार